7jC康巴教学资源网

    ན་མོ་གུ་རུ་མནྫུ་གྷོ་ཥཱ་ཡ། །གཙུག་ན་ཟླ་བ་རང་བྱུང་པད་དཀར་མིག །སྤྲིན་ལ་ཞོན་དང་མ་གཉིས་ཀརྟཱི་ཀ །མེ་ཟླུམ་ཆ་གཏེར་གཙུག་གི་ནོར་བུའི་ཁྲིར། །ཞབས་སེན་འགོད་མཛད་ཟས་གཙང་སྲས་ལ་འདུད། །མཚན་དཔེའི་དཔལ་འབར་ཟླ་ཞུན་ཕུང་པོའི་སྐུ། །ཨིནྡྲ་ནཱི་ལའི་ཟུར་ཕུད་ལྔས་མཛེས་པ། །ཅུང་ཟད་དྲན་པ་ཡིས་ཀྱང་རྨོངས་པའི་མུན། །ཕམ་མཛད་གསུང་གི་དབང་ཕྱུག་ལ་ཕྱག་འཚལ། །སྟོང་ཕྲག་བརྒྱད་ཅུ་རྩ་བཞིའི་ཆོས་ཀྱི་གླུ། །རྒྱུད་མང་སྒྲ་ལས་དྲངས་ནས་སྙན་པའི་དཔྱིད། །འཇོ་མཛད་དྲི་ཟའི་སྒེག་མོ་དབྱངས་ཅན་མས། །མི་ཟད་སྤོབས་པའི་དངོས་པོ་དེང་འདིར་སྩོལ། །འཁོར་འདས་བརྟན་གཡོའི་དངོས་པོ་རེ་རེར་ཡང༌། །བརྡ་དང་ཐ་སྙད་མིང་ཚུལ་མཐའ་ཡས་ཕྱིར། །སར་གནས་དཔའ་བོ་ཁོ་ནའི་སྤྱོད་ཡུལ་ལས། །ཉམ་ཆུང་བྱིས་བློའི་གཞལ་བྱ་ག་ལ་ཡིན། །འོན་ཏེ་འབབ་ཆུའི་རྒྱུན་ལས་ཆ་ཤས་ཙམ། །བཏུངས་ཀྱང་སྐྱེས་བུའི་སྐོམ་སྲེད་སེལ་བ་ལྟར། །མངོན་བརྗོད་རྒྱ་མཚོའི་དབུས་ནས་ཆུ་ཐིགས་ཙམ། །ཐོས་བརྩོན་ཀུ་ཤའི་རྩེ་མོས་བླངས་ཏེ་བརྗོད། །7jC康巴教学资源网
རྒྱལ་བ་བདེ་གཤེགས་ལྷ་རྣམས་དང༌། །ཕྱོགས་དང་ནམ་མཁའ་གཟའ་རྒྱུ་སྐར། །དུས་དང་བསྐལ་པ་ཡན་ལག་བཅས། །མཐོ་རིས་སྡེ་ཚན་འདིར་བཤད་བྱ། །ཁ་སྦྱོར་བདུན་ལྡན་རིགས་བརྒྱའི་བདག །དྲུག་པ་རྡོ་རྗེ་འཆང་གི་མཚན། །རྒྱལ་བ་བདེ་གཤེགས་ཀུན་མཁྱེན་དང༌། །རྣམ་འདྲེན་དཔལ་སྟུག་རྐང་གཉིས་གཙོ། །གཉིས་མེད་གསུང་དང་བཅོམ་ལྡན་འདས། །སྟོབས་བཅུ་མངའ་བ་སངས་རྒྱས་མཚན། །བུ་རམ་ཤིང་པ་ཉི་མའི་གཉེན། །གཽ་ཏ་མ་དང་ཟས་གཙང་སྲས། །མི་མཇེད་བདག་པོ་ཤཱཀྱ文件名：|7jC康巴教学资源网